जाजरकोटको नलगाड नगरपालिका–८ बगारमा अटो दुर्घटना, २ बालकसहित ७ जना घाइते
-
झेरीखण्डे टेलिभिजन
- २०८२ मंसिर २४, बुधबार ११:४४
जाजरकोटको नलगाड नगरपालिका–८ बगारमा आज भएको अटो दुर्घटनामा २ बालकसहित ७ जना घाइते भएका छन्।
गोतामकोटबाट बगारतर्फ जाँदै गरेको अटो अनियन्त्रित भई दुर्घटना भएको ललित चन्दले जानकारी दिनुभयो।
घाइते सबैजनाको आठाबिसकोट नगर अस्पतालमा उपचार भइरहेको छ। अस्पतालका अनुसार अधिकांशको अवस्था सामान्य रहे पनि केहीको अवस्था भने मध्यम रहेको बताइएको छ।
दुर्घटनाको कारण तीव्र गति तथा सडकको भौगोलिक चुनौती रहेको अनुमान गरिएको छ।
स्थानीय प्रहरीले घटनाबारे थप अनुसन्धान गरिरहेको जनाएको छ।
झेरीखण्डे टेलिभिजन 
